​Mavritaniyada İslam peyğəmbərini təhqir edən yazıçı barədə güllələnmə hökmü çıxarılıb

Bakı. 28 dekabr. REPORT.AZ/ Mavritaniya məhkəməsi Məhəmməd peyğəmbəri (s) təhqir edən yazıçı barədə güllələnmə hökmü çıxarıb.

"Report" xəbər verir ki, bu barədə hüquq müdafiəçilərinə istinadən "Reuters" məlumat yayıb.

28 yaşlı Şeyx Məhəmməd bir il əvvəl peyğəmbər haqqında yazdığı məqaləyə görə həbs olunub.

Məqalə müəllifi günahını etiraf etməyib və hökm oxunan zaman özündən gedib.

Mavritaniyada şəriət qanunları hökm sürür, lakin ölüm hökmü nadir hallarda reallaşdırılır. Sonuncu dəfə ölüm hökmü 1987-ci ildə tətbiq edilib.