Büdcədən Dini Qurumlarla İş üzrə Dövlət Komitəsinə ayrılan vəsait artırılıb

Bakı. 23 oktyabr. REPORT.AZ/ Gələn il dövlət büdcəsindən Dini Qurumlarla İş üzrə Dövlət Komitəsinə ayrılacaq vəsait artırılır.

“Report” xəbər verir ki, Azərbaycanın 2019-cu il dövlət büdcəsi zərfinə əsasən, 2019-cu ildə Komitəyə 2 milyon 712 min 027 manat vəsaitin ayrılması planlaşdırılır.

Bu məbləğ 2018-ci ildəki məbləğdən 331 min 825 manat çoxdur.

Qeyd edək ki, büdcə zərfi gələn ay Milli Məclisin komitə iclaslarında müzakirəyə çıxarılacaq. 

Xatırladaq ki, gələn il üçün dövlət büdcəsindən səhiyyə və təhsil sahəsinə ayrılan vəsait də artırılır.