Azərbaycan Din Xadimlərinin Forumu keçiriləcək

Bu il dekabrın 22-23-də Azərbaycan Din Xadimlərinin Forumu keçiriləcək.

Bu barədə "Report"un sorğusuna cavab olaraq, Dini Qurumlarla İş üzrə Dövlət Komitəsindən məlumat verilib.

Bildirilib ki, Dövlət Komitəsinin təşkilatçılığı ilə baş tutacaq tədbir “Dini maarifləndirmənin aktual məsələləri: ənənə, təcrübə və perspektivlər” mövzusuna həsr olunub.

Vurğulanıb ki, foruma ölkənin müxtəlif bölgələrindən yüzdən çox din xadiminin, müxtəlif icmaların nümayəndələrinin qatılacağı gözlənilir.