Yaponiya hökumətinin reytinqi rekord həddə aşağı düşüb

Baş nazir Fumio Kisidanın rəhbərlik etdiyi Yaponiya hökumətini dəstəkləyənlərin səviyyəsi 28,3%-ə düşüb ki, bu da Kisidanın 2021-ci ilin oktyabrından bəri vəzifədə olduğu bütün müddət ərzində ən aşağı səviyyədir.

“Report” xəbər verir ki, bunu “Kyodo” agentliyinin keçirdiyi ictimai rəy sorğusunun nəticələri sübut edir.

Dəstək səviyyəsi oktyabrın 14 və 15-də keçirilmiş əvvəlki sorğu ilə müqayisədə 4 faiz bəndi azalıb. Eyni zamanda, hökumətin fəaliyyətindən narazı olanların sayı 4,2 faiz artaraq 56,7%-ə çatıb.

Respondentlərin 62%-dən çoxu qiymət artımı fonunda əhaliyə dəstək üçün əvvəllər elan edilmiş tədbirdən narazı olduğunu bildirib.