Yaponiya hipersəs raketlərinin qarşısını almaq üçün “Patriot PAC-3”ü təkmilləşdirmək niyyətindədir

Yaponiya hökuməti “Patriot PAC-3” raketdən müdafiə sistemlərinin bəzilərini Amerikanın “LTAMDS” radarları ilə təchiz etməyi düşünür.

“Report” xəbər verir ki, bu barədə “Yomiuri” qəzeti məlumat yayıb.

Təkmilləşdirmə komplekslərə hipersəs raketlərini tutmağa imkan verəcək. “LTAMDS” hərtərəfli görmə qabiliyyətini təmin edir.

Yapon mütəxəssislər hesab edirlər ki, radarlar sayəsində aşkarlama məsafəsi bir neçə dəfə artacaq, yüksək sürətlə və dəyişən trayektoriya üzrə uçan hədəfləri izləmək mümkün olacaq.