​Vyanada atışma olub, ölən və yaralananlar var

Bakı. 25 may. REPORT.AZ/ Avstriyanın paytaxtı Vyanada küçədə açılan atəş nəticəsində bir nəfər ölüb, iki nəfər yaralanıb.

"Report" xəbər verir ki, bu haqda "RİA Novosti" məlumat yayıb.

Belə ki, mayın 25-də səhər saatlarında tramvayda 4 kişi arasında mübahisə düşüb. Onlardan ikisi tramvaydan çıxaraq qaçıblar. Digər iki nəfər isə onlara atəş açıb.

Nəticədə 3 nəfər, o cümlədən yoldan keçən 19 yaşlı qız yaralanıb. Yaralılardan biri xəstəxanada ölüb. Yaralanmış kişilərdən birinin vəziyyəti ağırdır. Qızın isə səhhəti sabitdir. 

Qeyd edək ki, tramvayda müşahidə kamerası olub. Polis araşdırmalara başlayıb.