ÜST və UNİCEF Qəzzadakı durumla bağlı çağırış edib

“Qəzzada vəziyyət nəzarətdən çıxır”.

“Report” xəbər verir ki, bunu Ümumdünya Səhiyyə Təşkilatının Baş katibi Tedros Adhanom Gebreyesus “X” hesabında yazıb.

O bildirib ki, tibbi yardım təminatı üçün itirilən hər saniyə insanların ölümü deməkdir: “İnsanların həyatını xilas etmək üçün bizə əraziyə dərhal giriş lazımdır”.

UNICEF-in icraçı direktoru Ketrin Rassel bildirilib ki, İsrail-HƏMAS münaqişəsinin kəskinləşməsindən bəri yüzlərlə uşaq həlak olub: “Hər uşaq, hər yerdə sülhə layiqdir”.

Onun sözlərinə görə, 11 gün ərzində minlərlə uşaq xəsarət alıb, 300 mindən çox uşaq evlərini tərk edib.

Əvəz Həsənov