Uqandada polislə toqquşmada 37 nəfər ölüb

Uqandada etiraz aksiyasının iştirakçıları ilə polislər arasındakı toqquşma nəticəsində nümayiş iştirakçılarından azı 37-si ölüb.

“Report” xəbər verir ki, məlumatı TASS yayıb.

Vurğulanıb ki, aksiya iştirakçıları noyabrın 18-də tutulmuş müxalif siyasətçi, prezidentliyə namizəd Robert Kiaqulaninin (daha çox Bobi Vayn adl ilə tanınır) azadlığa buraxılmasını tələb edirlər.

Uqandada çıxan “Daily Monitor” qəzeti bildirib ki, hakimiyyət 800-dən çox aksiya iştirakçısını həbs edib.

Bobi Vayn Uqandanın şərqinə seçkiqabağı kampaniya ilə bağlı səfəri zamanı polis tərəfindən saxlanılıb. Ölkə paytaxtı Kampala ilə yanaşı, Uqandanın iri şəhərlərində, o cümlədən Masaki Mukono, Cincu, Mityanda müxalif prezidentliyə namizədinin sərbəst buraxılması tələbi ilə aksiya keçirilir.

Xatırladaq ki, noyabrın 3-də Uqanda Mərkəzi Seçki Komissiyası Bobi Vaynın prezidentliyə namizədliyini qeydə alıb. Seçki 2021-ci il noyabrın 14-də keçiriləcək.