İran ​Türkiyənin sərhədini pozan rus pilotunu xilas edib

Bakı. 27 noyabr. REPORT.AZ/ Türkiyənin hava sərhədini pozan Rusiyanın "Su-24" hərbi təyyarəsinin sağ qalan pilotunu İran İnqilab Keşikçiləri Qvardiyasının xaricdəki qolu, "Qüds"ün komandanı Qasım Süleymaninin başçılıq etdiyi dəstə xilas edib.

"Report" xəbər verir ki, bu haqda İranın "Fars" xəbər agentliyi məlumat yayıb.

Məlumata görə, pilotun xilas edilməsi ilə bağlı birinci əməliyyat uğursuz olub. İkinci əməliyyat isə Q.Süleymaninin başçılığı ilə keçirilib və uğurla başa çatıb. Pilot Rusiyanın Suriyadakı hərbi hava bazasına aparılıb.