Tunisin DİN rəhbərinin evində partlayış olub, xəsarət alan var

Tunisin daxili işlər naziri Taufik Şarfeddinin ölkənin paytaxtında yerləşən evində partlayış baş verib, onun həyat yoldaşı yaralanıb.

“Report” xəbər verir ki, bu barədə Tunisin təhlükəsizlik xidmətindəki mənbələrə istinadən “Sky News Arabia” telekanalı məlumat yayıb.

İlkin məlumata görə, partlayışa səbəb qaz sızması olub. Hadisə zamanı nazirin həyat yoldaşı yanıq xəsarətləri alıb. Yaralı xəstəxanaya çatdırılıb.

Hadisədən bir neçə saat sonra Prezident Qais Səid nazir və onun xanımını ziyarət edib.

Şarfeddin 2019-cu ilin seçkiləri zamanı Səidin prezidentlik kampaniyasının rəhbəri olub. Ötən ilin oktyabrında o, Daxili İşlər Nazirliyinə rəhbər təyin edilib.