Tramp Rusiyaya qarşı sanksiyaların müddətini uzadıb

ABŞ Prezidenti Donald Tramp Ukraynadakı vəziyyətlə əlaqədar Rusiyaya qarşı daha əvvəl tətbiq edilmiş bəzi sanksiyaların müddətini daha bir il uzadıb.

“Report”un məlumatına görə, bu barədə Ağ Evin yaydığı sənədlərdə deyilir.

Söhbət 2014, 2018 və 2022-ci illərdə Vaşinqtonun Rusiyaya qarşı tətbiq etdiyi məhdudiyyətlərdən gedir.

Tramp vurğulayıb ki, o, bütün bu məhdudlaşdırıcı tədbirlərin 2025-ci ili martın 6-dan sonra da qüvvədə qalmalı olduğu qənaətinə gəlib.