Tramp qısa zamanda Ukraynada sülhə nail olacağına ümid edir

ABŞ Prezidenti Donald Tramp Rusiya-Ukrayna münaqişəsinin çox qısa zamanda nizamlanmasına nail olacağına ümid edir.

“Report” xəbər verir ki, bu barədə Ağ Evin mətbuat katibinin müavini Harrison Filds “NewsNation” telekanalına Rusiya Prezidenti Vladimir Putinlə amerikalı həmkarı arasında telefon danışığı ilə bağlı açıqlama verərkən bildirib.

“Prezident Tramp qətiyyətlidir. Əsas nəticə odur ki, o, sülh istəyir. O, buna, güman ki, çox qısa müddətdə nail ola bilər”, - Ağ Ev rəsmisi deyib.