Tramp Kamala Harrisi dövlət mühafizəsindən məhrum edib

ABŞ Prezidenti Donald Tramp keçmiş vitse-prezident Kamala Harrisin dövlət mühafizəsinin sentyabrın 1-dən dayandırılması barədə sərəncam verib.

"Report" xəbər verir ki, bu barədə CNN məlumat yayıb.

Gizli Xidmət tərəfindən təmin edilən mühafizə K.Harrisin səlahiyyətlərinin (ABŞ-nin vitse-prezidenti kimi) başa çatmasından sonra altı ay müddətinə təyin edilmişdi.

Əvvəlcə K.Harrisin mühafizəsinin Cozef Baydenin prezident postundan getməsindən əvvəl imzaladığı direktiv əsasında bir il müddətinə uzadılması planlaşdırılırdı. Lakin Donald Trampın sərəncamı ilə bu direktiv ləğv edilib.