Tramp İranla nüvə sazişinin mümkünlüyünə əmindir

ABŞ Prezidenti Donald Tramp onun administrasiyasının İran İslam Respublikası ilə nüvə proqramı ilə bağlı razılığa gələ biləcəyinə tam əmindir.

"Report" xəbər verir ki, o, bunu Morristaun hava limanında (Nyu Cersi ştatı) Ağ Evin Mətbuat xidmətinin jurnalistləri ilə söhbəti zamanı deyib.

"İranla bağlı vəziyyətə gəldikdə düşünürəm ki, işlərimiz çox yaxşı gedir. Düşünürəm ki, razılığa gələ bilərik", - Tramp deyib. "Bu baş verəcək, tam əminəm ki, olacaq. Bizdə nəsə olacaq və hər şeyi bombalamaqla başlamalı deyilik", - o əlavə edib.