Tramp amerikalılardan tibbi maska taxmağı xahiş etməyəcək

ABŞ Prezidenti Donald Tramp bildirib ki, Birləşmiş Ştatların hər bir vətəndaşından tibbi maska taxmağı tələb etməyəcək.

Bu barədə “Report” “Fox News” telekanalına istinadən xəbər verir.

Ağ Ev rəhbəri ölkə vətəndaşlarının hamısının müdafiə vasitələrindən istifadə edəcəkləri təqdirdə "bütün bunların” (koronavirus pandemiyasının - red) yox olacağına şübhə etdiyini bildirib.

"Yox, mən istəyirəm ki, insanlarda müəyyən azadlıq olsun. Mən buna inanmıram, yox”, - Tramp deyib.

Ağ Ev başçısı həmçinin qoruyucu maskaların öz xeyrinin olması faktını da istisna etməyib.

Qeyd edək ki, ABŞ-da koronavirusa ümumilikdə 3 764 203 yoluxma qeydə alınıb. Birləşmiş Ştatların 141 935 vətəndaşı COVID-19-dan ölüb.