Bakı. 27 yanvar. REPORT.AZ/ Tanzaniyanın şimal-qərbində, Qeit bölgəsində qızıl mədəninin uçması nəticəsində 14 şaxtaçı uçqun altında qalıb.
“Report” “Sinxua”ya istinadən xəbər verir ki, onların 13-ü Tanzaniya, biri isə Çin vətəndaşıdır.
İnformasiyaya əsasən, şaxta 38 metr dərinlikdə yerləşir. Xilasetmə işlərinin aparılmasında vaxt udmaq üçün artıq şaxtaya oksigen ötürülməsinə nail olunub.
Şaxta Çin-Tanzaniya birgə şirkəti tərəfindən istismar edilir. Çin şirkətinin təmsilçisinin məlumatına görə, şaxta 15 metr dərinliyinədək qazılsa da orada şaxtaçılara rast gəlinməyib.