Sviridenko ABŞ Quru Qoşunlarının naziri ilə görüşüb

Ukraynanın Baş naziri Yuliya Sviridenko ABŞ Quru Qoşunlarının (Ordusunun) naziri Daniel Driskoll ilə görüşüb.

"Report"un məlumatına görə, bu barədə Y.Sviridenko öz teleqram kanalında yazıb.

Y.Sviridenko bildirib ki, Driskollun Kiyevə səfəri ABŞ administrasiyası nümayəndələrinə vəziyyəti yerində qiymətləndirmək imkanı verir.

Görüş zamanı o, həmçinin ABŞ Prezidenti Donald Tramp tərəfindən təşəbbüs göstərilən ABŞ-Ukrayna Bərpa İnvestisiya Fondunun uğurla işinə başladığını və fəaliyyətini genişləndirdiyini təsdiqləyib.