Suriyalı nazir Rusiya bazalarının ölkədə saxlanılması şərtlərini açıqlayıb

Rusiya tərəfi Hmeymim və Tartus bazalarını o halda saxlaya bilər ki, bu, Suriya üçün faydalı olsun.

“Report Rusiya KİV-ə istinadən xəbər verir ki, bunu Suriyanın müdafiə naziri Marhaf Əbu Kasra bildirib.

"Əgər bundan Suriya üçün fayda əldə edəcəyiksə, o halda bəli", - nazir "The Washington Post" qəzetinə müsahibəsində söyləyib.

Bundan başqa, onun sözlərinə görə, Bəşər Əsədin Suriya prezidenti vəzifəsindən getməsindən sonra Moskvanın yeni hökumətə münasibəti "xeyli yaxşılaşıb".

M.Kasra həmçinin qeyd edib ki, Dəməşq hazırda müxtəlif ölkələrlə müdafiə sazişləri imzalamaq imkanlarını nəzərdən keçirir.