Suriyada hərbçiləri daşıyan avtobusa hücum edilib.
“Report”un xarici mətbuata istinadən məlumatına görə, bu barədə ölkənin Müdafiə Nazirliyi açıqlama yayıb.
Qeyd edilir ki, hücum dünən yerli vaxtla saat 13:30-da Palmira yaxınlığındakı səhra bölgəsində həyata keçirilib. Hadisə zamanı aralarında zabitlərin də olduğu 13 hərbçi həlak olub, daha 18 nəfər yaralanıb. Yaralılar xəstəxanaya çatdırılıb.
Hadisənin hansı qruplaşma tərəfindən törədildiyi məlum deyil.