Somalidə kafeyə hücum olub, ölənlər və xəsarət alanlar var

Somalinin Hiran bölgəsinin Beledveyne şəhərində terror aktı törədilib.

"Report" xarici KİV-ə istinadən xəbər verir ki, partlayıcı qurğu şəhərin mərkəzindəki kafedə kamikadze tərəfindən işə salınıb.

Hadisə nəticəsində 13 nəfər həlak olub, daha 20 nəfər yaralanıb. Yaralılar xəstəxanaya yerləşdirilib.

Hadisəyə görə məsuliyyəti hələlik heç bir qruplaşma üzərinə götürməyib.