Bakı. 6 avqust. REPORT.AZ/ Səudiyyə Ərəbistanının cənubunda məsciddə güclü partlayış baş verib. Bu barədə "Report" "RİA Novosti"yə istinadən xəbər verir.
Hadisə ölkənin cənub-qərbində yerləşən Asir inzibati ərazisində baş verib.
Bildirilir ki, partlayıcını terrorçu-kamikadze hərəkətə gətirib.
Yerli qaynaqlardan bildirilib ki, azı 25 nəfər yaralanıb.
"Əl-Ərəbiyə" telekanalı isə xəbər verir ki, Səudiyyə Ərəbistanının cənub-qərbində məsciddə baş verən partlayışda 17 nəfər təhlükəsizlik qüvvələri əməkdaşları həlak olub. Bu məscidi, adətən, təhlükəsizlik qüvvələri əməkdaşlarının ziyarət etdiyi bildirilir.