Səudiyyə Ərəbistanı kralı “G-20”liyin sammitində iştirak etməyəcək

Bakı. 3 iyul. REPORT.AZ/ Səudiyyə Ərəbistanı kralı Salman bin-Əbdüləziz “Böyük-20”liyin (“G-20”) zirvə toplantısında iştirak etməyəcək.

“Report” Haber7-yə istinadən xəbər verir ki, buna səbəb olaraq Qətər böhranı göstərilir.

Qeyd edək ki, “Böyük-20”liyin sammiti iyulun 7-8-də Almaniyanın Hamburq şəhərində keçiriləcək. Bu toplantıda ABŞ Prezidenti Donald Tramp, Rusiya dövlət başçısı Vladimir Putin, Türkiyə Prezidenti Rəcəb Tayyib Ərdoğan, Almaniya kansleri Angela Merkel də iştirak edəcək.