Şanxayda lokdaun şərtləri sərtləşdirilib

Şanxayda SARS-CoV-2 virusunun yeni ştamının yayılması ilə əlaqədar tətbiq edilən məhdudiyyətlər sərtləşdirilib.

“Report” xəbər verir ki, bu barədə “The Guardian” nəşri yazıb.

İndi hətta aşağı xəstəlik səviyyəsi olan ərazilərdə COVID-19 xəstəsi olmayan insanlar da şəhərdə sərbəst hərəkət edə bilməyəcəklər. Bundan əlavə, şəhər rəhbərliyi yeni koronavirus infeksiyası əlamətləri olan sakinlərin əksəriyyətindən gündəlik testlər götürülməsini təmin edir.

“Məqsədimiz ən qısa zamanda şəhərdə COVID-19-un sıfır səviyyəsinə nail olmaqdır”, - səlahiyyətlilər deyib.

Xatırladaq ki, aprelin 14-də Çində pandemiyanın başlanmasından bəri gündəlik yeni yoluxma rekordu qeydə alınıb - 29 411. Sutkalıq ən çox yoluxma Şanxayda (2 573) və şimal-şərqdəki Tszilin əyalətində (325) qeydə alınıb.