Rayan Rut məhkəmədə Trampa sui-qəsd cəhdi ittihamlarını rədd edib

Rayan Uesli Rut Florida ştatı məhkəməsində Respublikaçılar Partiyasından ABŞ prezidentliyinə namizəd Donald Trampa sui-qəsd cəhdi ittihamlarını rədd edib.

“Report” xəbər verir ki, bu barədə CBS telekanalı bildirib.

Məlumata görə, təxminən beş dəqiqə davam edən bazar ertəsi iclasında Ruta beş bənd üzrə ittihamlar oxunub və o, hər birini rədd edib. Qeyd olunub ki, Rutun vəkilləri onun işi üzrə andlı iclasçılar məhkəməsinin keçirilməsini xahiş ediblər.

Ruta qarşı irəli sürülən ittihamlar ömürlük həbs cəzasına qədər cəza nəzərdə tutur.