Çexiyada atışma törədən şəxs atasını öldürməkdə şübhəli bilinir

Çexiyanın paytaxtı Praqanın Karlov Universitetində baş verən atışma Kladno şəhərindən olan 24 yaşlı tələbə David K. tərəfindən həyata keçirilib.

“Report” Çexiyanın “Idnes.cz” xəbər portalına istinadən xəbər verir ki, bu barədə yerli polis məlumat yayıb.

David K. polis onu zərərsizləşdirmək üçün əməliyyata başladıqdan sonra intihar edib.

Hücum edən şəxsin qanuni olaraq bir neçə növ odlu silaha sahib olduğu və universitetdə terror aktı törətməyə hazırlaşdığı bildirilir. Bundan əlavə, o, atasını bir neçə saat əvvəl öldürmədə şübhəli bilinir.

Qeyd edək ki, atışma nəticəsində azı 15 nəfər ölüb, daha 24 nəfər yaralanıb.