Pikassonun əsəri 1,7 milyon dollara satılıb

İspan rəssamı Pablo Pikassonun fotoqraf Dora Maarın rəsmi Londonda keçirilən hərracda 1,3 milyon funt sterlinqə (təxminən 1,7 milyon dollar) satılıb.

"Report"un məlumatına görə, bu barədə "Sotheby's" hərrac evi bildirib.

Əsərin təxmini qiyməti 600 000 - 800 000 funt sterlinq olub.

Pikasso Maarın portretini 1936-cı ilin noyabrında, ilk görüşlərindən və münasibətlərinin başlanğıcından qısa müddət sonra çəkib. Rəssam daha sonra rəsmi sevgilisinə hədiyyə edib və sevgilisi onu 1997-ci ildə ölümünə qədər saxlayıb.

Əsər daha sonra britaniyalı iş adamı və investor Co Lyuisin kolleksiyasına daxil olub.