Pentaqon Qətərin Kral ailəsindən Trampa təyyarənin verilməsini təsdiqləyib

Pentaqon Qətərdən təxminən 400 milyon dollar məbləğində “Boeing 747-8” təyyarəsinin ABŞ Prezidenti Donald Trampa verilməsini rəsmi olaraq təsdiqləyib.

"Report" “The New York Times” qəzetinə istinadən xəbər verir ki, bu barədə ABŞ müdafiə nazirinin ictimaiyyətlə əlaqələr üzrə köməkçisi Şon Parnell bildirib.

"Müdafiə naziri bütün federal qaydalara və normalara uyğun olaraq Qətərdən “Boeing 747-8”i qəbul etdi", - o vurğulayıb.

"Nazirlik müvafiq təhlükəsizlik tədbirlərinin təmin edilməsi və təyyarənin funksionallığı tələblərinə cavab verilməsi üzərində işə başlayacaq", - Şon Parnell vurğulayıb.