Pentaqon husilərə qarşı əməliyyatın dayandırılmasının şərtini açıqlayıb

Husilər hücumlarından əl çəksələr, ABŞ onlara qarşı əməliyyatı dayandırmağa hazırdır.

“Report” xəbər verir ki, bunu ABŞ Müdafiə Nazirliyinin (Pentaqon) ictimai əlaqələr üzrə köməkçisi Şon Parnell bu vəzifədə keçirdiyi ilk brifinqdə deyib.

“Husilər bunun nə vaxt bitəcəyini müəyyən edə bilərlər. Amma ABŞ o vaxta qədər əməliyyatı davam etdirəcək”, - o əlavə edib.