Paraqvayda müxalif namizəd prezident seçkilərində məğlub olduğunu etiraf edib

Paraqvay prezidentliyinə müxalifətdən olan namizəd Efrain Aleqre seçkilərdə məğlub olduğunu etiraf edib.

“Report”un məlumatına görə, bu barədə TASS xəbər verib.

Aleqre deyib ki, onun və tərəfdaşlarının ölkədə dəyişiklik etmək üçün göstərdiyi əhəmiyyətli səylər kifayət qədər görünmür. O qeyd edib ki, Paraqvay xalqı əksəriyyətlə dəyişikliyə səs versə də, bölgü müxalifətin məqsədinə çatmasına imkan verməyib.

Siyasətçi vurğulayıb ki, ölkənin müxalif qüvvələri öz birlikləri üzərində işləməyə davam edəcəklər. Müxalifət belə birliyə nail olduqdan sonra əhalinin əksəriyyətinin dəstəyini qazanacaq.