Pakistanda qatar qəzasında xəsarət alanların sayı 90-a çatıb

Pakistanın cənubunda baş verən qatar qəzası nəticəsində xəsarət alanların sayı 90 nəfərə çatıb.

"Report" xəbər verir ki, bu barədə "Associated Press" məlumat yayıb.

Polis xilasetmə əməliyyatının başa çatdığını elan edərək, ölən və yaralananlar arasında qadın və uşaqların olduğunu qeyd edib.

Pakistan dəmir yollari naziri Xavaca Saad Rafikin jurnalistlərə verdiyi məlumata görə, Kəraçidən Ravalpindiyə gedən Hazara Expressi sərnişin qatarının 10 vaqonu Nəvabşah yaxınlığında relsdən çıxıb. Qəzanın texniki nasazlıq və ya təxribat nəticəsində baş verə biləcəyini deyən nazir yaralıların Nəvabşah və Sanghar bölgələrindəki xəstəxanalara aparıldığını bildirib.