Pakistanda hotel yanıb, ölənlər var

Pakistanda hoteldə baş vermiş yanğın nəticəsində 2 nəfər ölüb, 280 nəfər təxliyə edilib.

"Report" DAWN-a istinadən xəbər verir ki, bu barədə ölkənin xilasetmə xidməti məlumat yayıb.

Məlumata görə, hadisə Laxor şəhərinin Qulberq rayonundakı hoteldə baş verib.

Ümumilikdə, 280 nəfər - 100 qonaq və 180 hotel işçisi təxliyə edilib.

"Bir nəfər xəstəxanaya çatdırılıb, iki nəfər tüstüdən boğulub. Axtarış-xilasetmə işləri davam edir, bir nəfər itkin düşmüş hesab olunur", - qurumdan bildirilib.