Orban: Macarıstan Ukraynada münaqişənin həlli üçün səylərini davam etdirəcək

Macarıstan Rusiya ilə Ukrayna münaqişəsinin sülh yolu ilə həll edilməsi üçün səylərini davam etdirəcək.

“Report”un Rusiya mətbuatına istinadən verdiyi xəbərə görə, bunu Macarıstanın Baş naziri Viktor Orban Rusiya Prezidenti Vladimir Putinlə görüşdən sonra mətbuat konfransında deyib.

O xatırladıb ki, bu həftə Kiyev və Moskvada olub, tərəflərin mövqelərinin biri-birindən çox uzaq olduğunu müəyyən edib.

V.Orban vurğulayıb ki, münaqişənin bitməsi üçün çoxlu işlər görmək lazımdır.

“Vacib addımı atmışıq, əlaqələr yaradılıb, bu istiqamətdə işləri davam etdirəcəyəm”, - o deyib.