Netanyahu: İran İsrailə qarşı nüvə silahından istifadə etməyə hazırdır

İsrailin Baş naziri Benyamin Netanyahu iddia edib ki, İran guya nüvə bombası yaratmağa və ondan yəhudi dövlətinə qarşı istifadə etməyə hazırdır.

"Report"un məlumatına görə, onun sözlərini "Fox News" telekanalı sitat gətirib.

Netanyahu iddia edib ki, İslam İnqilabı Keşikçiləri Korpusu (SEPAH) "zənginləşdirilmiş uranla silahlanmağa" çalışır.

"Biz bunu gördük. Biz dedik ki, bir il sonra onların nüvə bombası olacaq və ondan istifadə edəcəklər. Digər nüvə güclərindən fərqli olaraq, əslində ondan istifadə edib bizi Yer üzündən siləcəklər", - Netanyahu bildirib.