Nepal ordusunun komandanı etirazçılara müraciət edəcək

Nepal ordusunun komandanı general Aşok Rac Siqdel tezliklə etirazçılara və ölkə vətəndaşlarına müraciət edəcək.

"Report" xəbər verir ki, bu barədə Hindistan KİV-ləri məlumat yayıb.

Nepal ordusu vəziyyəti izlədiyini bildirib və etirazçıları sabitliyi təmin etməyə çağırıb.

"Nepal ordusu xalqın maraqlarını və təhlükəsizliyini qorumağa sadiqdir", - bəyanatda deyilir.

KİV-in məlumatına görə, ölkəboyu davam edən iğtişaşlar fonunda etirazçıların Dhanqadidə həbsxanaya hücum etməsi nəticəsində yüzlərlə məhbus qaçıb.