Bakı. 1 fevral. REPORT.AZ/ "Venesuelanın daxili işlərinə kənardan müdaxilələr bu ölkədə vətəndaş müharibəsinə gətirib çıxara bilər".
“Report” “Habertürk”ə istinadən xəbər verir ki, bunu Türkiyənin xarici işlər naziri Mövlud Çavuşoğlu Avropa Parlamentinin bu günlərdə Venesuela müxalifətinin lideri, Milli Asambleya sədri Xuan Quaidonu ölkənin prezidenti kimi tanıdığını açıqlamasını şərh edərkən bildirib.
Xatırladaq ki, ötən gün Avropa Parlamenti Avropa İttifaqı ölkələrini Venesuela müxalifətinin lideri Xuan Quaidonu ölkənin qanuni prezidenti kimi tanımağa çağıran qətnaməni səs çoxluğu ilə qəbul etmuişdi.