Məsud Pezeşkian: Tehran heç vaxt nüvə silahı yaratmağa cəhd etməyib

İran Atom Enerjisi üzrə Beynəlxalq Agentliklə (AEBA) əməkdaşlıq çərçivəsində öz nüvə proqramının sülh məqsədli olmasını sübuta yetirməyə hazırdır.

“Report” xəbər verir ki, bunu İran İslam Respublikasının Prezidenti Məsud Pezeşkian AEBA-nın baş direktoru Rafael Qrossi ilə görüşdə bildirib.

"Biz ölkəmizin sülh məqsədli nüvə fəaliyyəti ilə bağlı narahatlıqları aradan qaldırmaq üçün bu beynəlxalq institutla əməkdaşlıq etməyə və yaxınlaşmağa hazır olduğumuzu bəyan edirik", - o qeyd edib.