Mərakeşdə zəlzələdə ölənlərin sayı 2 946 nəfərə çatıb

Mərakeşdə zəlzələ nəticəsində ölənlərin sayı 2 946 nəfərə çatıb.

“Report” xəbər verir ki, bu barədə Krallığın Daxili İşlər Nazirliyi məlumat yayıb.

Qeyd olunub ki, təbii fəlakət nəticəsində azı 5 674 nəfər xəsarət alıb.

Ən çox qurbanların sayı Əl-Hauz (1684) və Tarudant (980) əyalətlərində qeydə alınıb.

Xatırladaq ki, Mərakeş Milli Geofizika İnstitutundan verilən açıqlamaya görə, 7 maqnitudalı zəlzələ cümə günü yerli vaxtla saat 23:11-də (Bakı vaxtı ilə sentyabrın 8-də saat 02:11-də) baş verib. Zəlzələnin episentri Mərakeş-Safi bölgəsinə daxil olan Əl-Hauz əyalətində yerləşən İgil bölgəsində olub, yeraltı təkanların ocağı 8 km dərinlikdə yerləşib.