Meksikada avtobus qatarla toqquşub, ölən və xəsarət alanlar var

Meksikanın mərkəzindəki Hidalqo ştatının Altiplano bələdiyyəsində sərnişin avtobusunun qatarla toqquşması nəticəsində azı 3 nəfər ölüb.

“Report” xəbər verir ki, bu barədə “La Jornada” qəzeti məlumat yayıb.

Məlumata görə, hadisə zamanı daha 14 nəfər xəsarət alıb, zərərçəkənlər xəstəxanaya yerləşdirilib. Nəşr qeyd edib ki, toqquşma avtobus sürücüsünün qatar yaxınlaşarkən dəmir yolu keçməyə cəhd etməsi səbəbindən baş verib.

Toqquşmadan sonra avtobus aşıb.

Polis hadisənin səbəblərini araşdırır.