Madaqaskar prezidenti istefa verib

Madaqaskar Respublikasının Prezidenti Andri Rajoelina noyabrın 9-da ölkədə keçiriləcək prezident seçkilərində namizəd kimi rəsmən təsdiqləndikdən sonra istefa verib.

“Report” xəbər verir ki, bu barədə ölkənin Konstitusiya Məhkəməsi məlumat yayıb.

Madaqaskar konstitusiyası tələb edir ki, prezidentliyə namizəd olmaq istəyən hazırkı dövlət başçısı əvvəlcə istefa verməlidir.

Ali Konstitusiya Məhkəməsinin bəyanatında deyilib ki, Andri Rajoelina seçkilərdə namizədliyi təsdiqləndikdən sonra şənbə günü istefa ərizəsini məhkəməyə təqdim edib.