Los-Ancelesdə atışmada azı 3 nəfər ölüb

ABŞ-nin Kaliforniya ştatının Los-Anceles şəhərində atışma nəticəsində azı 3 nəfər ölüb, 4 nəfər yaralanıb.

“Report” “Associated Press”ə istinadən xəbər verir ki, hüquq-mühafizə orqanlarının əməkdaşları atışmanın yanvarın 28-nə keçən gecə Beverli Krest rayonunda baş verdiyini bildiriblər.

Hadisənin baş vermə şəraiti hələ müəyyən edilməyib. Agentliyin məlumatına görə, avtomobildə olan 3 nəfər həlak olub, 4 yaralı xəstəxanaya çatdırılıb və onların durumu ağırdır.

Qeyd edək ki, son günlər Kaliforniyada 21 nəfərin ölümü ilə nəticələnən bir neçə atışma hadisəsi baş verib.