Liviyada seçkilərin tarixi fevralın 17-də açıqlanacaq

Liviyada prezident və parlament seçkilərinin tarixi fevralın 17-də açıqlanacaq.

"Report" xəbər verir ki, bu barədə Liviyanın Baş naziri Əbdülhəmid Dibeybe bildirib.

Onun sözlərinə görə, Liviyada seçkilərin keçirilməsi ilə bağlı ölkədə müxtəlif qüvvələrlə məsləhətləşmələr aparılır.

Dibeybe Tobrukdakı Nümayəndələr Palatasının (parlament) keçmiş daxili işlər naziri Fəthi Başağının Liviya Nazirlər Kabinetinin yeni rəhbəri seçilməsi ilə bağlı qərarını da şərh edib.

O, əhalini Tobrukdakı Nümayəndələr Palatasının mövqeyini pisləməyə çağırıb.

“Mən həmvətənlərimi küçələrə çıxmağa, parlamentin səlahiyyət müddətini qanunsuz olaraq uzatmaq cəhdlərini pisləməyə və seçkilərin keçirilməsini tələb etməyə çağırıram. Biz Liviyadakı seçkilərə “hə” deyirik”, - Baş nazir vurğulayıb.