Livan ordusu İsraillə sərhəddəki Naqura kəndinə daxil olub

Livan ordusunun bölmələri Birləşmiş Millətlər Təşkilatının Livandakı Müvəqqəti Qüvvələrinin (UNIFIL) sülhməramlıları ilə birlikdə İsraillə sərhəddə yerləşən An-Nakura kəndinə daxil olub.

"Report" xəbər verir ki, bu barədə "Janoubia" xəbər portalı məlumat yayıb.

Məlumata görə, hərbçilər şəhərin qərb girişində və Vadi Hamul ərazisindən gələn magistral yolda postlar qurublar.

Bundan əvvəl UNIFIL-in qərargahında Livan-İsrail sərhədində atəşkəs monitorinqi komitəsinin iclası keçirilib. İclasda ABŞ Prezidentinin köməkçisinin müavini Eymos Hokstin vasitəçi qismində iştirak edib.