Litva Hind-Sakit okean regionuna qoşun göndərməyə hazırdır

Litva Seymi tərəfindən təsdiq edilmiş 2024-cü il üçün beynəlxalq missiyalar üzrə mandat Hind-Sakit okean regionuna hərbi personalın göndərilməsi imkanını nəzərdə tutur.

"Report" xəbər verir ki, bu barədə ölkənin xarici işlər naziri Qabrielius Landsberqis bildirib.

Onun sözlərinə görə, Vilnüs bu qərarı ona görə verib ki, onun strateji tərəfdaşları bu regiona daha çox diqqət yetirirlər.

Landsberqis qeyd edib ki, Seymin təsdiq etdiyi qətnamədə ümumilikdə 13 beynəlxalq əməliyyatdan bəhs edilir.