Kreml: "ABŞ və Şimali Koreya liderlərinin görüşü yarımadada gərginliyi azaldacaq"

Bakı. 13 iyun. REPORT.AZ/ “ABŞ prezidenti Donald Trampla Şimali Koreya lideri Kim Çen In arasında Sinqapurda keçirilmiş görüş yarımadada gərginliyin azalmasına və böhran vəziyyətinin qarşısının alınmasına səbəb olacaq”.

“Report” “RİA Novosti”yə istinadən xəbər verir ki, bunu iyunun 13-də Rusiya prezidentinin mətbuat katibi Dmitri Peskov bildirib.

Onun sözlərinə görə, bu görüşün nəticələri hələ təhlil edilməlidir: “Ancaq birbaşa görüşün baş tutması, danışıqların başlaması təqdirəlayiqdir”.

Qeyd edək ki, iyunun 12-də Sinqapurda ABŞ prezidenti Donald Trampla Şimali Koreya lideri Kim Çen In arasında görüş keçirilib.