Bakı. 14 fevral. REPORT.AZ/ Danimarkanın paytaxtı Kopenhagendə atışma nəticəsində üç hüquq-mühafizə orqanı əməkdaşı yaralanıb, bir nəfər ölüb.
"Report" "Reuters"ə istinadən xəbər verir ki, atışma Məhəmməd peyğəmbərin (s) karikaturasını çəkən rəssam Lars Vilks və Fransa səfirinin iştirak etdiyi görüş zamanı baş verib.
Atışmada şübhəli bilinənlər avtomobil ilə hadisə yerindən uzaqlaşıblar. Polis hadisəni terror aktı kimi qeydə alıb. Hazırda hadisənin səbəbləri araşdırılır.
Fransa prezidenti Fransua Olland terror aktını pisləyən bəyanatla çıxış edib.