Konqoda Pluto şəhəri uğrunda gedən döyüşdə 26 nəfər ölüb

Konqo Demokratik Respublikasının şərqində Pluto şəhəri (İturi əyaləti) uğrunda gedən şiddətli döyüş zamanı ən azı 26 nəfər ölüb.

“Report”un məlumatına görə, bu barədə "Okapi" radiostansiyası məlumat yayıb.

Məlumata görə, Konqonun İnkişafı Kooperativinin yaraqlıları Plutoya hücum edərək İturi qrupunda "Zair/Xalq Özünümüdafiə Cəbhəsi"nin dəstələri ilə döyüşüb.

Şəhəri qorumaq üçün dərhal ora hökumət qüvvələri göndərilib. Atışmada 6 hərbçi və 20 özünümüdafiə dəstə üzvü öldürülüb.