Kolumbiya İsrailə kömür tədarükünü dayandırır

Kolumbiya İsrailə kömür tədarükünü dayandırır Kolumbiya Prezidenti Qustavo Petro İsrail ordusunun Qəzza zolağında keçirdiyi əməliyyatlara görə bu ölkəyə kömür tədarükünü dayandıran fərman imzalayıb.
Digər ölkələr
19 Avqust , 2024 02:29
Kolumbiya İsrailə kömür tədarükünü dayandırır

Kolumbiya Prezidenti Qustavo Petro İsrail ordusunun Qəzza zolağında keçirdiyi əməliyyatlara görə bu ölkəyə kömür tədarükünü dayandıran fərman imzalayıb.

"Report" xarici KİV-ə istinadən xəbər verir ki, müvafiq sənəd Cənubi Amerika respublikası hökumətinin saytında dərc olunub.

“İsrailə kömür ixracı qadağandır”, - fərmanda deyilir. Qadağa sənədin dərc edildiyi gündən beş gün sonra qüvvəyə minəcək.

Sərəncamda qeyd edildiyi kimi, 2023-cü ilin yanvar-avqust aylarında Kolumbiya İsrailə 375 milyon dollar dəyərində mal və xammal tədarük edib ki, bunun da əhəmiyyətli hissəsini kömür təşkil edib.

Sənəddə deyilir: “İsrail enerji istehsalı üçün böyük ölçüdə kömürdən asılıdır və əlavə olaraq bu xammaldan hərbi məqsədlər üçün istifadə edir”.

İyun ayında Petro Qəzza zolağında əməliyyatlar bitənə qədər İsrailə kömür ixracını dayandıracağını açıqlamışdı.

Son xəbərlər

Orphus sistemi