KİV: “Yaponiyanın Baş naziri fevralın ortalarında Kiyevə səfər edə bilər”

Yaponiyanın Baş naziri Fumio Kisida fevralın ortalarında Kiyevə səfər edə bilər.

“Report” xəbər verir ki, bu barədə yerli “Yomiuri” qəzeti yazıb.

Nəşrin məlumatına görə, Kisida hərbi əməliyyatların baş verdiyi yerlərə baş çəkəcək, həmçinin Ukrayna Prezidenti Volodimir Zelenski ilə görüşün yekunlarına əsasən Rusiyanı pisləyəcəyi bəyanatla çıxış etməyə hazırlaşır.

“Yomiuri” qeyd edib ki, Kisida üçün Kiyevə səfər 2023-cü ildə Yaponiyanın Yeddilik Qrupuna (“G7”) sədrlik etməsi səbəbindən zəruridir və belə bir siyasi addım Yaponiya hökumətinin Ukraynanı dəstəkləməkdə iştirakının nümayişi olmalıdır. Bununla belə, nəşrin məlumatına görə, Yaponiya rəhbərliyi belə səfərin təhlükəsizliyinə şübhə ilə yanaşır.