Rusiya XİN başçısının müavini Suriya rəhbərliyi ilə görüşəcək

Rusiya xarici işlər nazirinin müavini Mixail Boqdanov bu həftə Suriyanın yeni hökuməti ilə görüşəcək.

“Report” xəbər verir ki, bu barədə “Reuters” agentliyi məlumat yayıb.

Agentliyin məlumatına görə, bu, Suriyada hakimiyyət dəyişikliyindən sonra Rusiya rəsmilərinin ilk səfəri olacaq.

Səfərin müddəti və danışıqların gündəliyi barədə nə Suriya, nə də Rusiya tərəfi təfərrüatları açıqlamayıb.

Daha əvvəl bildirilmişdi ki, Rusiya Suriyanın yeni hakimiyyəti ilə ölkə ərazisindəki iki hərbi bazasının saxlanılması barədə danışıqlar aparır.