KİV: MKİ direktoru gizli şəkildə Kiyevə gedib

ABŞ-ın Mərkəzi Kəşfiyyat İdarəsinin (MKİ) direktoru Uilyam Berns keçən həftə Ukrayna Prezidenti Volodimir Zelenski ilə görüşmək üçün gizli şəkildə Kiyevə gedib.

Bu barədə “Report” “The Washington Post”a (WP) istinadən xəbər verir.

Qeyd edilir ki, amerikalı məmur Rusiyanın gələcək hərbi planları ilə bağlı gözləntilərini Ukrayna dövlətinin başçısı ilə bölüşüb.

"Görüşdən sonra Zelenski aydın şəkildə başa düşdü ki, Vaşinqtonun Kiyevə dəstəyi güclü olaraq qalır və 2022-ci ilin dekabrında Konqresin qəbul etdiyi 45 milyard dollarlıq maliyyə azı iyul və ya avqust aylarına qədər davam edəcək", - WP yazıb.